Urganch shahrida zamonaviy madaniyat markazi binosi foydalanishga topshirildi.

Qutlugʻ bayramlar arafasida Urganch shahrida zamonaviy madaniyat markazi binosi foydalanishga topshirildi. Markazning 300 oʻrinli tomoshalar zali, ovoz yozish studiyasi, toʻgarak mashgʻulotlari oʻtkazish va repetitsiya xonalariga  eng soʻnggi  rusumdagi texnik vositalar oʻrnatilgan boʻlib, sanʼat ahlining  erkin ijod qilishi uchun barcha sharoitlar yaratilgan. 

Markazning ochilish marosimida soʻzga chiqqan viloyat hokimi Joʻrabek Raximov, Oʻzbekiston Respublikasi Madaniyat vazirining 1-oʻrinbosari Avazxon Tojixonov bugungi kunda madaniyat va sanʼatga berilayotgan eʼtibor haqida toʻxtaldilar. Yangi  madaniyat markazi xalqimiz maʼnaviyatini yuksaltirish, yoshlarimizni sanʼatga oshno etishda muhim oʻrin tutishi, bu yerda yaratilgan shart-sharoitlar har bir ijodkorni yangi yutuqlar sari ilhomlantirishini taʼkidladilar.

Ushbu tantanada Urganch tumani 11-son BMSM tasviriy va amaliy sanʼat yo‘nalishi o‘qituvchi va o‘quvchilari faol ishtirok etishdi.

https://t.me/BMSM11sonkanali